2025-02-07
這是適合大細人的臺語故事手冊《阿抹顧海洋》
咱的倉庫，真濟寶藏藏佇內底，
就親像這本 《阿抹顧海洋》 手冊，
前兩年印製的，毋知影怎樣，
閣閣猶有存貨靜靜佇某一个角落等人來翻開。
.
雖然 短短八頁，
毋過內底藏著 海洋文學作家廖鴻基 寫的臺語故事，
閣加 繪畫師山海醬 的細膩筆觸，
透過 抹香鯨 的旅程，向小朋友講台灣海洋環境的變化，
這是 花蓮福爾摩沙協會 佮 多羅滿
想欲分享予大家的 海洋問題，
欲予咱攏來想，看咱的海發生啥物代誌？
.
毋過，這無是深奧的研究冊，嘛無是需要翻字典才會曉的教材。
這是 一張張溫暖的圖卡，一句句親像海風咧吹的臺語話，
帶咱行入 阿抹 佮 小抹 的海洋旅程，
希望你 用最自然的方式，去聽母語的聲，去感受海的氣息。
.
一本99箍，這是 適合大細人 的臺語故事手冊，
隨手翻會曉，輕鬆看會愛，
無論是疼海、疼臺語，抑是疼故事的，攏適合。
這嘛是一種溫柔的行動，為 台灣的海、鯨豚佮母語 出聲。
.
這本手冊，咱從倉庫揣出來，數量無濟，等你來翻開。
當然！嘛希望大家有機會會使來參加咱的臺語航班，
由 廖鴻基老師 全程導覽解說，
佇海上聽 臺語講海的故事，予海風佮母語做陣陪伴咱！